Бібліяграфія ў падрадковых заўвагах
Звод імёнаў святых: с. 95-117
Дадатак утрымлівае чатыры раздзелы. Першы прысвечаны 35-годдзю Сабору Беларускіх святых. У ім прыводзіцца кароткае жыццеапісанне і Слова на Узнясенне Гасподняе свяціцеля Кірыла, епіскапа Тураўскага, у перакладзе на сучасную беларускую мову. Другі раздзел «З гісторыі Мінскага архіерэйскага дома» прысвечаны 225-годдзю заснавання Мінскай епіскапскай кафедры. На аснове шырокага кола крыніц раскрываецца гісторыя падвор'я Мінскіх архіерэяў з моманту яго заснавання (1799) і да знішчэння ў пачатку 1930-х гадоў. З выкарыстаннем архіўных дакументаў асветлены малавядомыя старонкі гісторыі Крыжовай царквы, жылых памяшканняў, іншых пабудоў і іх насельнікаў. Наступны раздзел прысвечаны адлюстраванню тэмы святасці зямлі Беларускай у мастацкай творчасці. Чарговы мастацкі пленэр, які адбыўся ў Маладзечанскай епархіі летам 2018 года, раскрывае ў мастацкіх вобразах асноўныя вехі жыцця і служэння блажэннай Валянціны Мінскай, паказвае прыгажосць тых мясцінаў, дзе яна ўзрастала і ўмацоўвалася ў духу веры. У раздзеле «Асабліва шанаваныя іконы Маці Божай у Беларусі» складальнікі прыводзяць кароткую інфармацыю пра Багародзічныя іконы, месца і час іх яўлення, сучаснае знаходжанне. Гэтая інфармацыя адрасавана прыхаджанам, краязнаўцам, яна можа стаць штуршком для пошуку больш падрабязных звестак пра шанаваныя іконы, у тым ліку пра тыя, што зніклі ў часы ліхалецця.
500 экз.
Нет никаких комментариев для этого документа.